एक बार बीरबल, अकबर नै खियो, बादस्याजी थे बतावो कै, परजा मै कतरा आदमी लुगाई सूं डरपै कोनै? अकबर कियां बतावै? बीरबल खियो, थे परजा मै या एलान करद्यो कै, जे भी आदमी लुगाई सूं डरपै कोनै, वो तड़कै एक मुरगो बीरबल नै ल्यार देलो। अकबर ऊँ बात को परजा मै एलान करवा दियो। गांव का सब आदमी एक-एक मुरगो बीरबल नै दे दिया। राजा कै दो राण्यां छी पण वो एक भी मुरगो कोन दियो। अब राजा सूं दो मुरगा लेबा की दम कुण मै छै। बीरबल की मजाक करबा की आदत पड़ेड़ी छी। वो राजा नै खियो, बादस्याजी काल मै एक छोरी देख्यो छो। वा घणी सुवावणी छी। वा थांका दरबार मै चोखी लागैली, थे ऊँसूं ब्याव करल्यो। राजो ईं बात नै सुणर रोसां हैग्यो अर खियो, म्हारै तो एक नहीं दो-दो राण्यां छै। पाछै बीरबल खियो कै, फेर तो थानै भी दो मुरगा देणा पड़ैला। जद राजा नै भी दो मुरगा देणा पड़्या।
सीख :- अकल बडी है छै
- थाँकी राय द्यो
